Традыцыйная вышыўка Шчучынскага раёна/ Склад. А. А. Каспер, В.Л.Каранкевіч, Т.Ю. Лебядзевіч – Шчучын: аддзел арганізацыйна-метадычнай дзейнасці, аддзел рамесленай дейнасці і народнага мастацтва, 2024. — 20 с. Традыцыйная вышыўка – адна з яркіх праяў беларускага народнага мастацтва. Тканым і вышываным арнаментам багата аздаблялася адзенне – кашулі, фартухі, наміткі, а таксама рытуальныя тканіны і побытавы тэкстыль. Аздабленне адзення чырвоным арнаментам выконвала не толькі эстэтычную функцыю, але і сведчыла пра статус і паходжанне чалавека. Асабліва вытанчана і багата ўпрыгожваліся святочныя строі, якія вымаліся з куфра толькі на ўрачыстыя падзеі. Менавіта таму да нашых дзён захаваліся выдатныя прыклады майстэрства традыцыйнай вышыўкі. Выданне ілюструе найбольш пашыраныя тэхнікі народнай вышыўкі Шчучыншчыны: крыжык, гладзь і іншыя дэкаратыўныя швы. Яны будуць карысныя тым, хто пачынае знаёміцца з традыцыйнай беларускай вышыўкай і спрабуе вышываць самастойна. Схемы вышыўкі могуць быць выкарыстаны для стварэння рэплікі прадмета, а таксама для аздаблення тэкстыльных рэчаў. На схемах графічна перадаюцца характар і кірунак шыўка, яго маштаб у адносінах да перапляцення нітак тканіны. Метадычны дапаможнік адрасаваны работнікам культуры і ўсім, хто цікавіцца традыцыйнай вышыўкай Шчучыншчыны.

Шчучын, 2024