Алена Феліксаўна – чалавек-легенда, унікальны майстар габеленаў, адзіная ў вобласці майстрыха, якая дасканала валодае ўсімі таямніцамі і тэхнікамі габеленавай ніткі на працягу 40 гадоў. Яе творы – сапраўдныя шэдэўры, самабытныя і ўнікальныя. За сваё творчае жыццё стварыла больш за 70 габеленаў і міні-габеленаў.

«Я жыву творчасцю, бачу ў ёй сэнс існавання. І надалей буду зберагаць і папулярызаваць любімы від мастацтва, які характарызуе нас, беларусаў, як нацыю і з’яўляецца намаляванай ніткамі гісторыяй…», -А.Ф.Шунейка

Жадаем Алене Феліксаўне моцнага здароўя, аптымізму, пастаяннага бадзёрага настрою, натхнення, новых цікавых праектаў!