Шавельская Ірына Францаўна (аг.Гожа Гродзенскага раёна. Саломапляценне)

Шавельская І.Ф. (1973 г.н.) – майстар народных мастацкіх рамёстваў аддзела этнаграфіі, фальклору і рамёстваў ДУК “Гродзенскі раённы культурна-інфармацыйны цэнтр”, з’яўляецца носьбітам элемента нематэрыяльнай культурнай спадчыны “Мастацкія практыкі саломапляцення Гродзенская вобласці”, занесенага ў 2020 годзе ў Дзяржаўны спіс гісторыка-культурных каштоўнасцей Рэспублікі Беларусь, а таксама адным з носьбітаў элемента нематэрыяльнай культурнай каштоўнасці “Выраб велікодных вербаў (пальмаў) на тэрыторыі паўночна-заходняй Гродзеншчыны” ў Гродзенскім раёне, які ў 2014 годзе быў унесены ў Дзяржаўны спіс гісторыка-культурных каштоўнасцей Рэспублікі Беларусь.

Шавельская Ірына самастойна авалодала разнастайнымі тэхнікамі работы з саломкай: пляценне па спіралі, плоскае пляценне, аб’ёмная пластыка, аплікацыя. Майстар добра валодае кампазіцыяй, дакладна вызначае патрэбныя вобразныя сродкі, умела стылізуе формы. У многіх аўтарскіх работах умела спалучаюцца традыцыйная аснова і элементы індывідуальнай творчасці.

З 2021 года Ірына Францаўна з’яўляецца членам Беларускага саюза майстроў народнай творчасці. Дзякуючы творчым здольнасцям і намаганням майстра, саломапляценне ў Гродзенскім раёне атрымала інтэнсіўнае развіццё з 2015 года і не спыняецца на цяперашні час, прывабліваючы новых аматараў.