Заслужаны аматарскі калектыў Рэспублікі Беларусь народны фальклорны гурт “Жывіца” Квасоўскага цэнтра культуры і развіцця народнай творчасці дзяржаўнай установы культуры “Гродзенскі раённы культурна-інфармацыйны цэнтр”
Год стварэння: 2013
Мастацкі кіраўнік Ярашэвіч: Злата Юр’еўна
Заслужаны аматарскі калектыў Рэспублікі Беларусь народны фальклорны гурт “Жывіца” Квасоўскага цэнтра культуры і развіцця народнай творчасці дзяржаўнай установы культуры “Гродзенскі раённы культурна-інфармацыйны цэнтр” – гэта калектыў, які спецыялізуецца на захаванні, адраджэнні і папулярызацыі спрадвечных беларускіх народных традыцый, песень і абрадаў.
Калектыў дае новае дыханне даўніне, беражліва збіраючы і прадстаўляючы фальклорную вусную і музычную спадчыну беларусаў. Іх выступленні – гэта заўсёды шчыры, пранікнёны аповед пра жыццё, святы і будні нашых продкаў, выкананы з глыбокім пачуццём і высокім майстэрствам.
“Жывіца” не толькі аднаўляе забытыя мелодыі, але і выхоўвае любоў да роднай культуры ў сучасных пакаленняў, узбагачаючы нацыянальную культурную прастору і з’яўляючыся адным з яркіх захавальнікаў беларускай самабытнасці. Прысваенне звання “Заслужаны аматарскі калектыў Рэспублікі Беларусь” стала яркім прызнаннем высокага мастацкага ўзроўню.
