Штогадовая традыцыйная навагодняя акцыя “Белая Русь – дзецям” прайшла на Іўеўшчыне ў зімовай сядзібе Дзеда Зімніка, размешчанай у в. Зайлейкі Іўеўскага сельсавета. Як паведаміла старшыня раённай арганізацыі рэспубліканскага грамадскага аб’яднання “Белая Русь” Лідзія Вайцехаўна Носуль, дваццаць хлопчыкаў і дзяўчынак, бацькі якіх з’яўляюцца членамі аб’яднання, мелі магчымасць правесці суботні дзень разам з бацькамі ў чароўным лесе з казачнымі персанажамі, паглядзець цікавае прадстаўленне, павадзіць традыцыйныя карагоды ля навагодняй яліны, а таксама назапасіць добрыя эмоцыі перад пачаткам самай доўгай школьнай чвэрці. Вядома, не абыйшлося без папулярных цяпер фота на памяць с казачнымі героямі і сэлфі з Дзядулем Марозам і Снягурачкай.
І. БУТУРЛЯ.
С. ЗЯНКЕВІЧ (фота).
