23.08.2026 г.

Аграгарадок Каралін на адзін дзень ператварыўся ў сапраўдны цэнтр народнай вясельнай культуры!
Галоўнай тэмай нашага фэсту стала адраджэнне старадаўніх абрадаў, якія стагоддзямі шанавалі нашы продкі.
Што асабліва ўразіла гасцей:
Агляд-конкурс «Фарбы спадчыны маёй»: мы пабачылі сапраўдныя рэканструкцыі вясельных абрадаў, напоўненых глыбокім сэнсам і шчырымі эмоцыямі.
Дэфіле «З бабулінага куфра»: унікальныя вясельныя строі мінулых часоў дазволілі літаральна дакрануцца да гісторыі. Кожны ўзор на кашулі — гэта асобная гісторыя кахання!
Этнабатл «Вясельнае кола»: гарманісты і прыпевачнікі ўладкавалі сапраўдны драйв, паказваючы, як весела і задорна ўмелі святкаваць нашы дзяды. Творчыя майстэрні: госці вучыліся рабіць традыцыйныя вясельныя бутаньеркі і каштавалі адмысловыя вясельныя стравы і напоі па старадаўніх рэцэптах.
Завершылася свята выступленнем таленавітых калектываў Зэльвенскага раённага Цэнтра культуры і народнай творчасці.

Гэта было не проста свята, а сапраўднае вяртанне да вытокаў, дзе кожны госць змог адчуць сябе часткай вялікай беларускай сям’і.
Шчыры дзякуй усім калектывам за захаванне нашай спадчыны!