28.08.2026 г.
БУЛЬБА-БУЛЬБАЧКА ПА-ВОРАНАЎСКУ.
«Стравы з цёртай бульбы: прэтэндуем на спадчыну ЮНЕСКА !
Водар дранікаў, які разносіўся па Воранава днямі, — гэта не проста само па сабе свята, а дакладны знак таго, што тут ствараюць сапраўдную кулінарную гісторыю. І гэтая гісторыя мае ўсе шанцы атрымаць сусветнае прызнанне!
Адной з самых прывабных лакацый у мястэчку з’явілася пляцоўка, дзе гаспадыні Гродзеншчыны прадэманстравалі унікальныя стравы з цёртай бульбы.
Гэта быў не проста кірмаш-пачастунак шчодрых беларусаў, а яркае прадстаўленне культурнай каштоўнасці, якая ўжо ўключана ў Дзяржаўны спіс гісторыка-культурных каштоўнасцяў Беларусі і вылучана на ўключэнне ў рэпрэзентатыўны Спіс нематэрыяльнай культурнай спадчыны ЮНЕСКА.
У рэспубліканскі спіс увайшлі работы з 75 раёнаў. З іх 8-ад Гродзенскай вобласці. Гэта прадстаўнікі Воранаўскага, Ваўкавыскага, Гродзенскага, Дзятлаўскага, Зэльвенскага, Іўеўскага, Лідскага і Шчучынскага раёнаў.
