Роліч Вольга Міхайлаўна (г.Шчучын. Саломапляценне)
Роліч В.М. (1978 г.н.) – майстар народных мастацкіх рамёстваў аддзела рамеснай дзейнасці і народнага мастацтва ДУК “Шчучынскі раённы цэнтр культуры і народнай творчасці”, з’яўляецца носьбітам элемента нематэрыяльных гісторыка-культурных каштоўнасцей Рэспублікі Беларусь “Беларускія мастацкія практыкі саломапляцення” (Мастацкія практыкі саломапляцення Гродзенскай вобласці).
Вольга Міхайлаўна ўмела выкарыстоўвае дэкаратыўна-пластычныя асаблівасці пляцення з саломы, якія пастаянна развівае, удасканальваючы новымі мастацкімі прыёмамі і тэхнікамі. Майстрыха працуе ў розных тэхніках плоскага і аб’ёмнага пляцення, саламянай пластыкі, дэкаратыўнай скульптуры, змяшанай тэхніцы. Кожная работа створана далікатна і па-майстэрску.
Акрамя саломапляцення майстар валодае навыкамі ткацтва габеленаў і паясоў. Самастойна пераймае ўзоры карункапляцення з этнаграфічных збораў і распрацоўвае схемы для вязання шэдэлкам.
