20.09.2026 г.

Гальшаны сустрэлі восень у найлепшых народных традыцыях. Сёлета Гальшанскі кірмаш сабраў гасцей, прапанаваўшы ім не проста багатыя гандлёвыя рады, а сапраўднае тэатралізаванае шоў, галоўным упрыгажэннем якога стаў каларытны і вясёлы вясельны абрад.
Гэта свята для мястэчка — не простая даніна сучаснай модзе, а адраджэнне глыбокіх каранёў. Гальшаны здаўна славіліся сваімі кірмашамі, куды яшчэ ў мінулых стагоддзях з’язджаліся купцы і рамеснікі з усіх навакольных земляў і нават з-за мяжы. Тут віравала жыццё, заключаліся буйныя здзелкі, а разам з тым — завязваліся знаёмствы, якія нярэдка заканчваліся стварэннем новых сем’яў. Сёлетні восеньскі кірмаш цалкам аднавіў гэтую атмасферу святочнага вэрхалу.