25.05.2026 г.

Не простае, не кіназдымачнае, а сапраўднае, жывое, па-беларуску шчырае.

24 мая работнікі культуры Гродзенскага раёна падарылі ўсім, хто прыехаў на свята ручніка, унікальную магчымасць: стаць гасцямі на рэканструкцыі традыцыйнага беларускага вяселля.

І пачалося!
Спачатку — ціхія, але важныя «Сватаўство»: бацькі, рушнікі, загадкавыя размовы.
Потым — «Запоіны», калі рашэнне прынята і вяселлю быць. А далей — «Зборная субота»: клопаты, смех, дзявочыя песні і мужчынская сур’ёзнасць.
Вось ужо пахне свежым цестам — гэта выпяканне каравая. Абраз, соль і вера ў шчаслівае жыццё.

А самае гучнае — вясельная брама і выкуп нявесты! Жаніх хваляваўся, дружкі жартавалі, а нявеста чырванела з-за фаты. Госці віншавалі і падпявалі.

А якое ж вяселле без застолля?
Пачастункі стаялі на сталах не для карцінкі — для душы. Дранікі, сала, хатні хлеб, усмешкі і шклянкі з шчырымі віншаваннямі.

Атрымалася сапраўднае вяселле — па-беларуску. З агнём у вачах, з песняй, якая кранае за сэрца, і з такой шчырасцю, што хацелася танчыць да ўпаду!

Сачыце за нашымі навінамі
 мы ў Instagram і на сайце gromc.by